आयुर्वेदातून निरोगी जीवनशैलीचा मंत्र

नागपूर

कविवर्य सुरेश भट सभागृहात ११ वा आयुर्वेद दिन उत्साहात साजरा करण्यात आला. यंदाची ‘आयुर्वेद सर्वांसाठी हितकर’ ही संकल्पना केंद्रस्थानी ठेवून निरोगी जीवनशैलीसाठी आयुर्वेदाचे महत्त्व अधोरेखित करण्यात आले.

बदलती जीवनशैली, ताण, अनियमित आहार आणि व्यायामाचा अभाव यामुळे निर्माण होणाऱ्या आरोग्य समस्यांवर प्रतिबंधात्मक उपाय म्हणून आयुर्वेदाची भूमिका महत्त्वाची असल्याचे यावेळी सांगण्यात आले. आहार-विहार, योग, दैनंदिन जीवनातील आयुर्वेदाचे महत्त्व आणि निरोगी जीवनशैली याबाबत मार्गदर्शन करण्यात आले.कार्यक्रमाला प्राचार्य हर्षला राजुरकर, डॉ. संतोष सूर्यकांत पुसदकर, डॉ. अर्चना रोहनकर, डॉ. कौस्तुभ भोयर आणि डॉ. धीरज झाडे यांची उपस्थिती होती.आयुर्वेदाचा प्रसार आणि पारंपरिक ज्ञानाचा आधुनिक जीवनशैलीशी समन्वय साधण्याचा संदेश या कार्यक्रमातून देण्यात आला.