निर्मल विश्व स्वर साधना संगीत वर्गाचा तृतीय वर्धापन दिन 3 ऑक्टोबर रोजी डिडोळकर भवनात साजरा करण्यात आला. कार्यक्रमात विविध गायक कलाकारांनी शास्त्रोक्त रागांवर आधारित गाणी सादर केली.
निर्मल विश्व स्वर साधना संगीत वर्गाचा तृतीय वर्धापन डिडोळकर भवनातील संस्कार भारती कार्यालयात उत्साहात साजरा करण्यात आला. यावेळी समाजसेविका व तेजस्विनी मंचच्या संस्थापिका किरणताई मुंधडा आणि परांजपे शाळेच्या संचालिका भावनाताई खरे प्रमुख अतिथी म्हणून उपस्थित होत्या.गेल्या २२ वर्षांपासून संगीत क्षेत्रात कार्यरत असलेल्या सीमाताई दामले यांनी प्रास्ताविकातून संगीत वर्गाची संकल्पना आणि उद्देश स्पष्ट केला. विद्यार्थ्यांनी नोटेशनच्या आधारे सुगम संगीत सादर करावे आणि त्यातून स्वरज्ञान विकसित व्हावे, हा उपक्रमामागील हेतू असल्याचे त्यांनी सांगितले.
कार्यक्रमात शास्त्रीय रागांवर आधारित लोकप्रिय गीतांचे सुरेल सादरीकरण करण्यात आले. विद्यार्थ्यांची तयारी आणि सादरीकरणातील सुरेलता विशेष लक्षवेधी ठरली. वेद ढोक यांनी तबल्यावर, अथर्व टेकाडे यांनी साइड रिदमवर, सोहम रानडे यांनी तालवाद्यावर, तर श्यामजी ओझा आणि श्रावणी भोयर यांनी संवादिनीवर साथसंगत केली. संगीताच्या सुरेल वातावरणात वर्धापन दिनाचा कार्यक्रम रंगला.
नाना पाटेकर, एक प्रसिद्ध अभिनेता आणि समाजसेवक, त्यांच्या अभिनय आणि सामाजिक कार्यासाठी ओळखले जातात. त्यांनी 'नाम फाउंडेशन' स्थापून दुष्काळग्रस्त शेतकऱ्यांची मदत केली. भारतीय चित्रपट उद्योगात त्यांचा ठसा कायमचा राहील.
पोरवाल महाविद्यालयात ग्रंथदिंडीचे आयोजन ३ ऑक्टोबर रोजी अभिजात मराठी भाषा दिनानिमित्त करण्यात आले. या उपक्रमाचा उद्देश मराठी भाषेच्या समृद्ध परंपरेचा प्रसार करणे आणि विद्यार्थ्यांमध्ये वाचनाची आवड निर्माण करणे होता.
@hemant.gharote 1 मिनिटे वाचन
