गुरू तेगबहादूर यांच्या 350 व्या बलिदान दिनाचे स्नेहमिलन
दि. 07 डिसेंबर 2025 रोजी, राष्ट्रीय स्वयंसेवक संघाच्या शताब्दी वर्षानिमित्त आणि गुरु तेग बहादूर जींच्या 350 व्या शहीदी दिनानिमित्त, शिवाजीनगर प्रभात शाखेच्या वतीने एक भव्य आणि स्नेहपूर्ण स्नेहमिलन कार्यक्रमाचे आयोजन करण्यात आले. हा कार्यक्रम शिवाजीनगर मानस हॉल येथे उत्साहात आणि अत्यंत अनुशासनात संपन्न झाला.
या कार्यक्रमाचे प्रायोजक श्रीमान राजेंद्रजी संचेती होते. शिवाजीनगर परिसरातील मोठ्या प्रमाणावर प्रतिसाद मिळत, एकूण 177 शिवाजीनगरवासी या कार्यक्रमास उपस्थित होते. परस्पर स्नेह, संवाद आणि संघभावना वृद्धिंगत करण्यासाठी हा स्नेहमिलन अत्यंत उपयुक्त ठरला.
प्रमुख व्यक्तींचे उद्बोधन
कार्यक्रमाच्या वेळी श्रीमान प्रा. विजयजी राठोड आणि डाॅ. चांडोक यांनी अत्यंत प्रेरणादायी उद्बोधन दिले. संघकार्याचे महत्त्व, गुरु तेग बहादूर यांच्या बलिदानातून मिळणारे मूल्य, तसेच समाजातील आपली भूमिका या सर्व विषयांवर त्यांनी उपस्थित मार्गदर्शन केले. त्यांच्या विचारांनी उपस्थितांमध्ये जागरूकता, प्रेरणा आणि समाजसेवेची नवी ऊर्जा निर्माण झाली.
विशेष उपक्रम आणि भोजनाची व्यवस्था
या कार्यक्रमात उपस्थित असलेल्या प्रमुख व्यक्तींच्या भाषणांमध्ये संगठीत हिंदूत्व व देशाची एकता यावर जोर देण्यात आला. मलकापूरवरून विशेष येऊन चार आचारींनी सर्व उपस्थितांसाठी उत्तम आणि स्वादिष्ट भोजनाची व्यवस्था केली. मलकापूरच्या प्रसिद्ध पाककलेची चव या भोजनात अप्रतिमपणे अनुभवायला मिळाली.
भोजनामध्ये विशेषत मलकापूर मिर्चीची पातळ भाजी, जी तिच्या तिखट–चविष्ट आणि सुगंधी वैशिष्ट्यांसाठी प्रसिद्ध आहे, तसेच मलकापुरी वांग्याचे भरित, ज्याची चव, तुपाचा सुगंध आणि मसाल्यांचा सुंदर समतोल यासाठी ओळखली जाते, अशा खास पदार्थांची मेजवानी सर्वांना देण्यात आली. या पारंपरिक, घरगुती आणि अप्रतिम चवीच्या पदार्थांनी स्नेहमिलन कार्यक्रमाची रंगत अधिकच वाढली आणि उपस्थित सर्वांनी भोजनाचा मनसोक्त आनंद घेतला.
या कार्यक्रमाला माननीय उमेशजी अनीखीनडी उपस्थित होते. एकूण संयोजन, प्रायोजन आणि उपस्थितांचा उत्स्फूर्त सहभाग यामुळे हा स्नेहमिलन कार्यक्रम यशस्वी आणि संस्मरणीय ठरला.
